Blogia
Rincón Olvidado

Tot se me fa chiquet...

Tot se me fa chiquet...

Dende que he descubierto que Pau Donés fa lo mesmo que yo cuan ba zorro con os suyos amigos (cantar el S'ha feito de nueit), como que soi un atra persona. Como que tot se me fa chiquet, ya no sólo que o mío bico d'adopzión (que en ye, y de collons). Yo que me pensaba que con o sha feito nomás rematábanos que una colla de selczionaus amarguinaus de bel cantón trafegau d'a Madalena.

Fa un año, lo mío amigo Charrabís me recomendó una canta de Labordeta, de letra d'Ánchel Conte (me comentan que cabeza de lista d'IU per Uesca) y mosica de Gabriel Sopeña. Un poliu diya trobé un comentario en iste o mío blog en que se m'informaba d'a existenzia d'un bídeo, en o que Manolo García, en un basico d'os 40 en nobiembre de 2006, cantaba ista canta. Y yo que me pensaba que nomás que l'abríanos ascuitau parando-nos en ella tres u cuatro seleczionaus amarguinaus de mal bibir. Pues como que tamién soi atro.


Pues sí, a berdat. A yo isto ya se me fa chiquet. Se me fa chiquet o mundo sabendo que Donés y García ascuitan en os suyos Winamps as mesmas cantas que yo. ¡Y prou como ta bersionar-las! Yo, que siempre eba comparau a istos senyors con o patetico Carlos Goñi. Y que eba dito muitas begadas que yera argüelloso de no ascuitar-les en a bida. Y que eba perchurau que les gomecaría en a cara en caso de trobar-me-los per a carrera. Pero no, agora resulta que les ascuito cantar en aragonés y como que toda la mía construzión melomana se'n ye ida t'o sulero.

Si Manolo García y Pau Donés (y cualsiquier diya Carlos Goñi) cantan en aragonés, ¿cuan beyeremos fer-lo a Amaral? ¿Bersionará a Bob Dylan ta la expo en a nuestra luenga? ¿U continaremos, per contra, abocaus a disaparixer como comunidat lingüistica, a l'igual que os eyak? Ya lo deziba, tot se me fa chiquet...

Fa una anyada en Rincón Olvidado.- Las Terrazas de Cuéllar.

2 comentarios

elBetoCo!™ -

¡NO! Sólo digo que el mundo se me hace pequeño porque personas lejanas canten en aragonés. Por lo demás, si no has notado el tono irónico en este post, es que vives en Marte, como esta señora: http://www.eluniversal.com.mx/internacional/56676.html

Albertico -

No entiendo una cosa... según tú, si hablas (o cantas) en aragonés... ¿te conviertes en una mejor persona?