Diya goyoso ta l'aragonés
He de reconoixer que lo d'iste maitín m'ha pareixiu rarizo, surrealista, mesmo friki. Postpoderno, como diría beluno,... Malas que hemos plegau en San Chuan d'os Panetes, m'he trobau a Chorche que saliba de rechistrar imachens en a ilesia ta l'informativo de TeleBiel de güe. Y ya, dentro, ateos convencius y confesos, ascuitando misa en aragonés; cristians de base enlucernaus ascuitando o Pai de nusatros en una luenga rariza y trafegada; l'arquebispe que deciba la semana pasada que quereba aprender aragonés ta oficiar él... ¡Dios, si le ascuitase Fedeguico! ¡Señor arzobispo, a usted también se le ha trabado la luenga, como a los críos de mi pueblo cuando se confundían! ¡Elevando eso a categoría de lengua!
Sí, muito surrealista tot. Asperaba que en cualsiquier inte me dispertase d'o mío suenyo, u que en cualsiquier inte hi amanixese bel personache de LHC y soltase bella fresca, pero no, yera reyal, tal y como se veye en o vídeo:
Pero ye que güe, l'aragonés, amás, ye estau protagonista tamién en Aragón Televisión, perque güe, amás d'amanixer en l'informativo, tamién ha amaneixiu en o programa 60 segundos, que ha emitiu un reportache sobrebueno sobre os ninos que parlan y aprenden l'aragonés:
¡Buen treballo, Chorche!
1 comentario
Albertico -
Lástima que la acústica de los vídeos sea tan mala.
PD: cambia el diseño de este blog!!!